العمره في الرياض قصه واقعيه

[سليمان]

هذا معلم كفيف في معهد النور كان ناوي يعتمر المهم قال زميله المدرس الثاني وهو ليس بكفيف طبعاً انا ابروح لمكه تخاويني اتونس انا وياك يوم الاربعاء .
المسكين من يوم الثلاثا وهو يجهز نفسه للعمره .
ويوم الاربعاء الصبح مره اخينا بالله في البيت يبي ياخذ شنطة الكفيف وحرامه طبعاً رايحين لمكه .
حضرو الحصص وصلو بالمدرسه الظهر والتفت على الكفيف قال مشينا قال الكفيف توكلنا على الله.
المهم ركبو السياره وابليس يلعب براس الرجال الي يشوف .
وعلى طول توجه للشرقيه طبعاً خاف ان الاعما يشك بالمسافه ورجع للرياض مباشره بدون مايوقف .
ووقف عند اول محطه وقال للمسكين الكفيف انزل.
وصلنا الميقات انزل البس حرامك
ونزل على نياته واغتسل ولبس حرامه .
والناس تتطالع فيه وهو ياغافل لك الله
ركب مع زميله المدرس الي يبي يوديه عمره
وتوجه للبطحاء بوسط الرياض وقاله انزل وصلنا الحرم
الرجال الكفيف صدق ونزل بحرامه
وقام يلبي ويكبر والناس تناضره وتضحك
المهم جاء عسكري قال وش عندك هنا
قال واحد في مكه ورايح للحرم وش تتوقع عنده اكيد بيعتمر بس الله يقبل
قال العسكري بينه وبين نفسه العسكري اكيد الرجال مخرف.
قاله العسكري ابيك شوي ياخال برا الحرم شوي ممكن
قال وش عندك
ابسئلك اسئله وابيك تجاوب
قال الكفيف ابطوف وبعدين يحلها ربك
قال العسكري لا ابيك الحين
قال الكفيف ابشر ياوليدي
المهم اخذه العسكري بشوي قوه وانصاع الشايب ومشا معه
قاله العسكري تراك بالبطحا بوسط الرياض ومحرم
انصدم الشايب وقال انا جاي مع خويي من الرياض
قال انت الحين بالرياض
الله لا يوفقه سواها فيني والله ما اخليه بس ارجع للمعهد والله ما اسامحه على المقلب الي سواه فيني.
المهم رجعو للمعهد كلهم يوم السبت الصباح.
واول ماشافه المدرس راح وحب على راسه وقال للكفيف سامحني انا غلطان وادري بس انت اطيب مني
الكفيف والله ما اسامحك لين تقوم بالحق
قال ابشر انت اطلب
قال عشاء باستراحه ويجون الزملاء وتعتذر عن الي سويته
قال ابشر تامرني امر
الله يحييكم بالاستراحه على شرف زميلنا ابو فلان
مرت الايام وجا موعد العزيمه وتجمعو بالاستراحه
وفعلاً قام اخونا اول ماشاف الكفيف قاله تراي اخطيت بحقه وابيه يسامحني
قاله الله يسامحك بس لا تكررها وتمزح معي
قاله ابشر
قعدو وشربو القهوه
قال الكفيف بعد اذنكم انا ماصليت العشاء ابروح اتوضا
قال زميله رح توضا وانا بفرشلك السجاده
المهم راح اخينا بالله فرش السجاده ربعها بالارض والباقي بالمسبح
الكفيف جا واقام الصلاة وركع وقام من الركوع وسجد
وين سجد وسط المسبح طبعاً اختل توازنه وبغا يغرق
الرجال الي وداة للعمره انحاش ونادا واحد من زملاه قال طلعوه لا يموت

المهم هذي القصه واقعيه وليست من نسج الخيال واتمنى انها تنال الاعجاب ولا غيبة لمجهول .
والله يذكرهم بالخير جميعاً.
انتهت الستوري

[عزي]

مشكور اخوي سليمان ..........روعه ........ مسكين الاعمى

الله يكفينا شرهم
والله يهديهم

[stn555]

والله انا حزني الاعمى وحراااااااااااام اللي يسوه فيه والمزح معهم بالشكل ما يصير والله يحزن

بس شكل الاعمى نفسه حلوه ويتقبل المزح

تشكر على هالقصة الجميلة اخي سليمان

تحياتي لك

[دنيا الأمل]

.. حرام عليه .. والله الرجال عليهم مزح فظيع ..
.. ما ادري وشلون تتقبلون من بعض ؟؟؟

[تماراTMARA]

بالفعل قصة جميلة ولكن محزنة في نفس الوقت...
المزح الجامد عواقبة وخيمة...
ولا يجب أن ننسى .. فجيعة المسلم حرام...

[oblex2020]

حرام عليه .. والله الرجال عليهم مزح فظيع

[الفجر البعيد]

لاحول ولاقوة الا بالله

احيانا المزح ماله داعي ذنبه انه اعمى الله يشفيه بس

ويشفي خويه من الــــ

تحياتي

[محمد الغامدي]

جزاك الله خير اخي سليمان على القصة الجميلة ...

(( اللهم لا تؤاخذنا بما فعل السفهاء منا ))

انا ما اقول الا حسبه الله ونعم الوكيل

((((((((((( مثل ما تدين تدان )))))))))))

[دفء المشاعر]

الله يعطيك العافيه على القصه

[Gasmenia]

حرااااااااااااام عليهم