الفزعه .. عقد دورات للمعلمات ..

[عزي]

الاخت دنيا :
الله يكون بعونك

قبل عامين طلب مني نفس ما طلب منك والمصيبه في مدرسه اخرى اكمل عندهم يوم واحد في الاسبوع


ولله الحمد تفهموا المعلمين مع الوضع وقلبتها استشارات وقلت للاخوه المدرسين اللي يبغى يتعلم يسير علي بالمعمل والحمدلله اغلبهم يريد الفائده واختصرت عليه المشوار وعلمتهم اللي يبون

والاهم كيف يكتبون اسئلة الاختبار



الله يوفق الجميع

[تماراTMARA]

بالنسبة للخطاب اللي جاء مدرستكم لأول مرة أسمع عنه
قبل 3 سنوات كنت في القرية كانت فيه معلمة حاسب مفرغينها من مدرستها بس بالاسم إنها على ملاك المدرسة تدور على المدارس وتعطي المعلمات دورة في معارف والوورد لمدة شهر...
بعد كذا كانت ترجع لمكتب الاشراف وتقعد عندهم تساعدهم في أعمال الحاسب ولا قد درست ولا درس....
لين نقلت مدينتها ....
لكن يمكن تحظري رقم الخطاب وتستفسري عنه إذا كان تعميم بتلاقيه في قسم التعميم في منتدى الوزارة وإذا ما كان تعميم فقط خطاب من منطقتكم التعليمية حاولي يكون في مقابل مثل إعفائك من الصفين الثالث والثاني كونهم نشاط وزي ما قال الأخ عزي خليها بالمشورة اللي تبغى تحضر وإلي ما تبغى ما تقدرين تجبرينها بلغي الموجهة بالمشاكل اللي ممكن تواجهك ... وصدقيني لو عندهم مجرد رغبة في تحسين وضعهم فبمجرد ما تعرضين عليهم بعض الأوراق المكتوبة بالوورد راح يطلبون منك مباشرة تعلمينهم كيف يسونها....
الله يعينك ويوفقك لما فيه كل خير

[دنيا الأمل]

.. الف شكر همسات الغاليه على التفاعل ..
.. وصلي سلامي وشكري للوالده ..

[دنيا الأمل]

.. جزاك الله الف خير استاذ سلطان على المرور والمشاركه ..

.. راح ارسل لها رساله واتمنى ترد ..

[دنيا الأمل]

.. جزاك الله الف خير اخ عزي ..

.. المشكله انهم راح يرسلون حقيبه تدريبيه بالمنهج الي راح ادرسه لهم ..

.. وشكل التعميم هاذا خاص باداره منطقنا ..

.. الله يعين ..

[دنيا الأمل]

.. يسلمو توته على الدعاء ..

.. جزاك الله الف خير ..

.. بحثت عن التعميم وما حصلته .. شكله مثل ما قلت خاص بمنطقتنا ..

.. اخاف ارفض او ارفع خطاب يأثر على النقل .. وانا انتظر هاذا اليوم من اول يوم داومت فيه ..

.. فكرتك حلوه راح احاول استفيد منه .. لكن المشكله نصابي 6 حصص فقط .. ما اعتقد يرضون ..

.. الله يعين .. دعواتك لي يا غاليه بالنقل ..

[ينابيع الغلا]

هلا * دنيا الأمل *

كيف حالك

ما أدري أنا .. جايه متأخره على موضوعك أو لا

والله لا يجيب هالتعميم

بس اذكر أول ما جيت المدرسة .. لإني كنت العام بقرية وهذي السنة بمنطقتي والحمد لله

في أيام العودة طلبوا مني أعطي دورة أسبوع لزميلاتي بالوندوز والوورد

ولا مانعت .. بس زميلاتي رفضوا .. وبعد ما خلصت قالوا يا ليتنا ماخذينها

وعلى قولتك نصابك ( 6 حصص ) يعني بيقولون ما لك حق ترفضين

هونيها يا أختي وتهون

أنا نصابي ( 18 حصه ) لأول ـ وثاني ـ وثالث

ومدخلة بيانات ـ مع إشراف كامل لبنات الكلية من وإلى

وعارضت على إشراف الكلية .. بس جوني وطلبوني طلبيه من الكلية إني أساعدهم

ولو حصل وجاء التعميم .. خذي خبرة يا أختي والله معك .. وإن شاء الله ما فيه ظلم

والله يوفقك .. آمين

ودمتي بخير