الــ ع ـــيــد قربك انتِ يانشوة العيد - منتديات حاسبكو المتخصصة بمادة الحاسب الآلي

فهد العباري · 09-21-2009, 06:57 PM

السلام عليكم ورحمة الله وبركاته

كل عام وانتم بألف خير ..

قصيده جديده عل وعسى ان ترتقي بذائقتكم الفذه

مدخل //

يافرحتي بالعيد وأغلا المواجه
فيك التلاقي ياغلآ الكون يحلآ

العمر يضحك لأجل حبك حجاجه
والشوق من فوق الطويلات يعلآ

ياضحكتي ياطب قلبي و علاجه
قربك هواي وقرب غيرك أبد لا

الــعـــيـــد

العيد قربك إنتي يانشوة العيد = = = وأنا ليا شفتك ترى حل عيدي

عيدي أنا وياك في ضمة الإيد = = = وعيد الخلايق في لباس الجديدي

ياغايتي بالحب وأحلى المواعيد = = = لولا غلاتك ويش يطرب قصيدي

بلابل الإحساس غنت تغاريد = = = تقول زيديني من العشق زيدي

النور من وجهك **ا واسع البيد = = = عم القريب وعم دار البعيدي

إنتي كما طلع العنب بالعناقيد = = = سبحان من اعطاك حسن ٍ فريدي

يــ\ام الرزانه والعقل حلوة الجيد = = = من حاول يضاهيك مايستفيدي

ياكامله بالوصف ياشيخة الغيد = = = يــ\ام الحنان إللي يغذي وريدي

وش عاد أبكتب فيك وش عاد أبعيد = = = ياراس مالي فالهوى يارصيدي

قيـًدتني يـاقـايـد الـريم تـقـيـيـد = = = قلي متى من عينك تفك قيدي

والعيد قربك إنتي يانشوة العيد = = = عيدي وعيدك ياغلاتي سعيدي

مدخل

ياحنونه كيف أبحفظ لك غلاتك ياحنونه
وإنتي كل الكون يعجز يحتوي صادق حنانك

شاعر يرضيك لو يهديك قلبه مع عيونه
مايبي إلآ يحاول كيف يسعدك بزمانك

الغلا أثمر وزان الطلع ثم مالت غصونه
لين صار الحب غيمه يرتوي منها مكانك

إنتي فتنه جابها المولى براهين{ن} لكونه
قولي للعالم تأمل من شعرك ليا بنانك

لو تحسين بخفوقي لا بدآ يطرب لحونه
صوًرك مهره أصيله وفكرته يلزم عنانك

الشعر في وصف غيرك ماتشوقني فنونه
ماأحس بطعم حرفي غير في رسمة كيانك

جميع مااكتبه من بوح قلمي

لا اسمح بالنقل دون ذكر اسمي