قصيدة والمناسبة قوة نظرات البنت التي كانت تجلس أمام شاعر

[أ / نواف]

قصة بنت كانت تطالع واحد بعين قويه

المهم الرجال طلع شاعر وما قصر

عطاها كم بيت عشان تتأدب

لكن المفاجأه هي ؟؟؟ـ

[poem font="Simplified Arabic,5,white,normal,normal" bkcolor="white" bkimage="http://www.7asabco.com/images/toolbox/backgrounds/21.gif" border="double,6,black" type=2 line=0 align=center use=ex num="0,black"]
كل شبر بهالوسعيـه ملـك ربـي تعلميـن=وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن=كن ما به ناس غيري بهالكراسـي يجلسون
لو سمحتي عاد أسمعي وحتى لو ما تسمحيـن=المهـم اللـي بقولـه تسمعينـه ويسمعون
عالأقل ليا نظرتي سـوي روحـك تستحيـن=غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن=وفيـك جآزم لا ركـادة ولا حيـاءٍ يـذكـرون
تعرفينـي ؟! أعرفـك ؟! ماأذكـر إنــا ملتقـيـن=لا أعرفك من تكوني و لا تعرفي مـن أكـون
وإطمأني إن كان قصدك بس فينـي تشبهيـن=ما هـو أنـا إلي تعرفيـه والبشـر يتشابهـون
ما دريتي من التشابـه يخلـق الله أربعيـن=وأعرف أربع يشبهنك بـس والله يستحون
وان كان قصدك شي ثاني عاد قولي وش تبين=خايف إنا نصير فرجة وإللي مااشتروا يتفرجون
واذا ببالك عاجبتنـي لا يحوشـك تحلميـن=صح ربعي من جمالك فيـك صـار يمدحـون
بس وش لي في حلاتك دام فيهـا ترخصيـن=حشمة البنـت وحياهـا والكرامة يلفتون
ولو توفر فيك هـذا مـع حلاتـك تبشريـن=ما هو أنا ألف غيري بـاب بيتك يطرقون
وش علامك رغم كل اللي أقولـه وتسكتيـن=مو طبيعي هالسكوت وهالبرود وهالسكون
إنتـي خرسـا أسألـك ولا منتي تسمعيـن=قالوا ربعي ذي كفيفـة قلـت لا لا تمزحـون
لين شفتك يوم رحتـي يمسكونـك باليديـن=ما دريت إلا عيونـي أربـع أربع يذرفون
آه ياني منه مشهـد يـوم شفتـك ترحليـن=جيت اشوف عيون ربعي لقيت الكل يدمعون
قلت سنة هالحيـاة وحـنا ترانـا مؤمنيـن=الله اللـي مسيّرنّـا بيـن كاف وبيـن نــون
وكل ابونا نختلف مع إننا مـن أصـل طيـن=سبحان يلي مصورنا ولله في خلقه شؤون
يعني حنا كل أبونـا عـاد إسمنـا ابن ادميـن=وليا قضى ربك أمر وقـال لـه كن فيكون
فينـا يلـي رازقه خيـر رب العالمـيـن=وفينا يلي هو لعطفه بحاجة القلـب الحنـون
وفينا يلي مـا شكـى مـن علـةٍ كالآخريـن=صـمٌ و بكـمٌ و عمـيٌ فـهـم لا يفقـهـون
بس قليل عـاد فينـا للنعـم هـم شاكريـن=والله يرزق هالخلايق من حيث هم لا يعلمون
وتدرين عاد يالكفيفة حنا تراى متشابهيـن=وإن ماانعمت ابصارنا قلوبنا هـم إللي يعتمـون
يالكفيفة يالعفيفـة إن قلـت آسـف تقبليـن=يغفر الله ذنوب عبده اذا خطا وهـل تغفـرون[/poem]


أترك لكم حرية التعليق

لكم تحياتي واحترامي