乂تسمح لي بكلمه قبل لا ألبس ثوب الوداع 乂

[نبضة أمل]

عرفت ابكي من الفرحه،، عرفت اضحك من الاحزان،،
عرفت ان الدموع اصدق وارحم من يواسيني،،
عرفت ان الوهم دربي ولابه من يقدرني،،

من يوم ما ذوقتني فرقاك والحزن في حياتي غرستة،،
شريت لي ثوب علشان لقياك راحت موضته ومالبسته،،
شريت لي عطر مازهاني بلياك له سنين بعلبته مالمسته

اليوم أنا راحل عن دنيا تبكيني ماودها تفرحني ولو يوم،،
تسمح لي بكلمه قبل لا ألبس ثوب الوداع،،
من حبك في هالدنيا لاتخسره.. تراك بتندم يوم تفقده،،
ومن شراك من بين هالناس لاتفكر تبيعه .. لانه ترك العالم وجاك،،

ابي ارحل لعالم ثاني ..
انسى فيه كل زماني ..
واوعدك اذا رحلت
راح اقسي قلبي واسجنه ..
لكن مع هذا وذاك ..
اعرفه قلبي ماراح ينساك !
باقي على ذكراك ؟؟
لو هجرته .. لو طعنته ..لو ذبحته ..
بيظل يهواك ويهواك ..
الين تدفنه ..
(( بيمناك...! ))

ولهت في لحظة عليك وقمت اسافر في ذكرياتي...
تذكرت لك معي وقفات خليتني ابتسم ما احاتي....
انت بطيب روحك تملك الناس...وبطيبتك تمحي كل معاناتي...
صرت اشكر ربي عليك لانك من اروع الناس في حياتي...

سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان

وينك تجاوب صرختي بسكرة الموت..
وينك تشيل اطلال خلك بتابوت..
تعال وانقلني على القبر بسكوت..
تعال حقق في مماتي ..
ما ابيك تبكي وترفع الصوت..
لي الشرف لو جيت تحضر وفاتي..

يا حبيبي عسى ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب لساني دووم يطريك
وماظن ينسى من يسوي سواتي
متعلق قلبي يودك ويغليك
وعسى غلاك ما يسبب وفاتي

يا غايب عني لك الحب ماغاب
متى تجي وتشوف همي بعينك
ماطاب لي جرح ولا خاطري طاب
متى يديني تحتضنها يدينك
ياصاحبي لو قالوا الوقت كذاب
يكفيني كلامك ودافي حنينك
لو ان قصدي في الزمن كثر الاصحاب
ما قلت يا ساكن الروح وينك

يا شوق خبرني عن اللي انا اغليه
عن واحد روحي بحبه شغوفة
اغليه من بد الخلايق وافديه
واحس للفرحة طعم يوم اشوفه
يطلب عيوني يطلب القلب واعطيه
ارهن حياتن بين ضمة كفوفه

حزينة
لحظة الغروب
تمووت الشمس مجبورة
! تكابر..!
ودها ترجع
وتعطي الناس من نورها
ترى هذا( انا بدووونك)
بنفس الشكل
والصووووورة ؟!

اقول بكره ينتهي الهم وألقاك
ويطلع علي الصبح أقول باكر
ضايع بدونك بين شوقي وذكراك
أنا اعترف بالضعف مقدر اكابر
الصمت بيت ودمعتي ألف شباك
والهم باب وغيبتك ألف زاير

خذ فؤادي وأنا راضي تجرحه
لي فؤادي قد ما تجرحه مسموح
بس سؤالي اللي ودي أطرحه
هو بقى بي أي مكان للجروح؟
ليش دمعي لانزل ماتمسحه
ليش دمعك قبل ماينزل أنوح؟
فيني حب ماأظنك تلمحه
لو لمحته ماتشوفه بالوضوح

تجيني اليوم تسألني ياخل ليه الفراق؟!!
ماكنك انت اللي كنت له دوم تجبرني
ماودي أرحل بس قولك جرحلي الأعماق
خلاص الحين ماعاد في شي يصبرني
ياما ضحكلك موتي والويل منك ذاق
تعبت أواجه دمعي وحزني فيك يعذبني

كرهت الحال من صغري
فديت الموت لو يدري
عساه بس يعبرني
وياخذني بسرعه لقبري
أنا ودي أموت وأريح نفسي
وخساره أضيع شبابي
بين حزني وهمي
فديت الموت لو يدري
بحال قلبي وضعفي
عساه بس يخاويني
ومن حزني يريحني

راح تعرف قدري بعد ماقبري يضمني،،
ولا تبكي واتقول كنت غالي عندي،،
تراك انت سبب موتي يوم هجرتني،،
ولافكرت بأنك تسمعني وأنا أشكي،،
ماهانت عليك حالتي وأنا أبكي،،
ماعرفت أقسى من تغليك علي،،
"حبيبك المنسي"

صاحبي وأنا في عز حلومي..
شفت الموت بعيوني..
فرح قلبي وإدمعت عيني..
تذكرت أحبابي وخلاني..
إللي زعلني وإللي راضاني..
أشوف الموت أتألم..
وعلى فرقاهم أتعذب..
ودامهم باعوني قررت للموت أستسلم..
وليتهم بعد مماتي يذكروني..

[سمو]

تمووت الشمس مجبورة
! تكابر..!


مشاعر رااائعه عزيزتي نبض

وبدايه مشرقة بأذن الله ...

[نبضة أمل]

يسلموا ماقصرتي

مشكورة على مرورك

[توفي*توفي]

كلمات رائعه

عزيزتي

انثري ابداعاتك في كل مكان بالمنتدى

ولا تحرمينا جديدك

في حفظ الرحمن

[على العموم]

يسلموا نبضة امل
كلمات رائعة
يعطيك العافية

[دفء المشاعر]

كلمات جميله

الله يعطيك العافيه

[نبضة أمل]

المشاركة الأصلية كتبت بواسطة توفي*توفي

كلمات رائعه

عزيزتي

انثري ابداعاتك في كل مكان بالمنتدى

ولا تحرمينا جديدك

في حفظ الرحمن

يسلموا قلبي
مشكورة على مرورك

[نبضة أمل]

المشاركة الأصلية كتبت بواسطة على العموم

يسلموا نبضة امل
كلمات رائعة
يعطيك العافية

أنتي الأروع مشكورة على مرورك

[نبضة أمل]

المشاركة الأصلية كتبت بواسطة دفء المشاعر

كلمات جميله

الله يعطيك العافيه

الله يعافيكي
مشكورة على مرورك

[صمتي جرحني]

يسلمووووو أختي نبضة
كلمات رووووعة,,,,,,,,, يعطيكــ العافية