×{ْ سـ ج ـل حضوركٍ بـبيت شعرٍ ْ}×

[سلاحي استغفاري]

لبيه ياللي وحدك إن قلت لبيه
يذبحني لبيهك ويذبحني الصوت


وإن طاح قلبي ميت ٍ فيك خليه
ياحي قلب ٍ طاح وياحيه الموت


ماقلت أحبك ‘ لأجل وقتي أسليه
لا لا والذي نجى نبيه من الحوت


والحب لو هو سر وأقدر أخبيه
ماقلت أحبك حتى واشفاهي سكوت


لي ناظر ٍ ماغير شخصك يمليه
كنك دواي وشوفتك طب منعوت


وإن ضاق بالي أذكر اسمك واغنيه
واتخيلك عل وعسى طيفك يفوت


أهواك وهمي كيف قلبك أهنيه
من كثر ما اسمك في هالقلب منحوت


حتى الخطا لو جاني منك أمشيه
وإن ما مشى أخلق له أعذار وثبوت


وش الذي يخطر في بالك وأسويه
لو حتى في وسط البحر أبني بيوت


ياللي البحر لو جا في بالك تحليه
مريت صوبه وامتلأ سكر وتوت


لبيه لبيه ياللي لو طلبني ألبيه
للعاصمه حافي ولو دربه خبوت


لين أندهك يافلان وأتقول لبيه
وأطيح من طولي و يذبحني الصوت