طلب مشورة عاجلة

[جمجوم]

السلام عليكم ورحمة الله وبركاته

كيف الحال
حبيت آخذ مشورتكم
في طالبة بصف 3ع جتني تطلب مني أعلمها كيف تسوي إيميل
قلت لها كيف أقول لك ومافي إتصال بالمدرسة بس ماعليك باسوي لك إيميل من عندي وأعطيك اياه بكرة البنت مرة فرحت
يوم رجعت البيت واستشرت قالوا لا تسوي لها إيميل ولا تعلمينها كيف تسويه بكرة البنت تخرب يدعون عليك
والا بعدين امها والا أبوها يخاصموا ويقولوا ليش تسوي لبنتنا إيميل
واليوم الثاني لقيتها مصبحة عند باب غرفة المعلمات تطلب الإيميل
عاد أنا انحرجت ...وتمالكت نفسي وقلت لها إنتي قدامك اختبارات ما أنصحك تنشغلي عنها بالشغلات هذي
وغذا خلصتي من عيوني باعطيك غيميل قده جاهز عندي أبغى أصرفها بس
حسي البنت اتلطمت وزعلت بعد ما عشمتها
والحين إيش السواه ما أبغى أعقد الأمور أكثر لأن شكلها قالت لزميلاتها ويوم ماسويت لها ضحكوا عليها قالوا ماعطتك المعلمة وجه ....واحسها حزت في نفسي
أعلمها اشلون تسوي والا أجيب لها واحد جاهز من عندي وله كلمة مرور أعرفها وأراقبها من خلاله
مع إن الأفضل إني أعلمها كيف تسوي عشان تعتمد على نفسها وبكيفها عاد ...
بسكيف أعلمها وأنا ماعندي إتصال الله يعافيكم ردوا على كل نقطة قلتها رد شافي وربي يجزاكم كل خير