:: الأستاذ عبدالله ( ata ) ضيف اكرسي لهذا الاسبوع .. اقبلو وتعرفو عليه ::

[ata]

شكرا دنيا الامل ..

س1/ ماهو شعورك وانت في كرسي الاعتراف ؟

سعيد جدا ( خاصة ان الكرسي يذكرني بيوم زواجي )


س2/ كل انسان لابد وان يمر بعدد من المواقف منها الطريف والمؤلم وغيرها اذكر لنا بعد اذنك يعني موقف طريف وموقف مؤلم واسف على تقليب الماجع وموقف محرج ؟

الموقف الطريف :

أتذكر أيام الثنوي بالتحديد صف ثالث .

كان عندي زميل اسمه ناصر ..

اللي حصل ان ناصر جاني , في أحد الأيام بعدصلاة الظهر

وأنا جالس في الفصل ,, قالي : عبدالله وش فيك زعلان اليوم

قلت له : لا عادي ما في شي ,, المهم أصر علي ,,

وأنا أوقول مافي شي ,, وأصر وألح بشده إلا أقول له ..

المهم اني طفشت منه , قمت ( وضربت كف ) على وجهه

المضحك ان ناصر كان لا بس نظارات طبيه , يوم ضربته

قمت أشوف نص النظاره على الارض , والنص الثاني معلق في اذنه ...

المهم تزاعلنا , وبعد اسبوع اصلحوا المصلحين , وجاني بعدها قالي : عبدالله

تراني ما نسيت الكف اللي ذاك اليوم ..

قلت له : يا ناصر تعوذ من الشيطان , وانس السالفه , المهم قال : لازم اخذ حقي

المهم , كان حاشرني في الزاوية , شوي وأنا أشوف أخوي داخل من باب الفصل

( كان يدرس معي ) المهم ناديت عليه بصوت عاااااالي ..

المهم جا اخو ي و قال له ناصر : توكل على الله ( وضف وجهك ) ..

المهم ناصر أصر ياخذ حقه ,, المهم قام , اخوي وعطاه كف ( دبل ) يعني بيديه

الثنتين على وجهه ...

الموقف المضحك , اني اشوف نظارات ناصر , تكسر ( قزازها ) وهي باقي على عيونه

(((( يارب يسامحنا ناصر ,, كسرنا النظارتين )))))

الموقف المحرج :

مره رحت بنده , المهم قاعد أدف عربية المشتريات , واناظر في الرفوف

فجأة كان جنبي ( إمرأة ) ,, قمت ودعست على رجلها وأنا ماأدري ,,

المهم هي تناظرني وأنا والله ولاااااااااا دريت ,

المهم لما التفت وهي تناظرني , ودها تعطيني باللي في يدها ,,

طبعا أنا ابتسمت , وقلت بهدووووووء ( آسف اختي ) ..


أصعب موقف مر علي في حياتي ...

كان ( طلال ) أعز أصدقائي في الثنوي ..

المهم جاني واحد من الشباب , قالي طلال بالمستشفى ,,

طرت , من وقتي على المستشفى ,,

لما دخلت ( حوش المستشفى ) شفت أخوه الصغير ( يبكي ) بحرارة

المهم دخلت داخل .....

وشفت طلال ( صديقي ) اللي كنت أنا واياه ( اليوم ) الصباح مع بعض

شفته ممد على السرير ( ومغطى ) بالأبيض .....


اللي أبكاني ( إن طلال ماااااااااااااااااااات ) ...

الله يغفر له ويرحمه ..


س3/ كيف ترى منتدى حاسبكو؟؟ بكل صراحه وبدون مجاملات ؟؟


حقيقه المنتدى رااائع ,,, ولكن المواضيع لا تفعل إلا بواسطة

أعضاء يعدون على الأصابع ,, يعني لو عضو يغيب , بعض المواضيع

تبقى لمدة يوم أو يومين , لا تجد من يرد عليها ....

أتمنى من جميع الاعضاء ألا يكتفون بالمشاهدة ...


س4/ ماهي الفائدة الذي جنيتها من جلوسك خلف شاشة الكمبيوتر على النت؟؟


استفدت أشياء كثيرة من أهمها , أنني اكتسبت معارف وعلوم جديدة

وطورت من ثقافتي , في بعض الأمور ...

شكرا لكم