المرور إذا ساقوا البنات

[mooof]

هههههههههههههههههه
فعلا هذا اللي بيصير لو ساقت البنت .
الشي بالشي يذكر , موضوعك ذكرني باحد زملائي راح بامه واخوانه في صالونهم ( نورا الصالون هو سيارة جمس هههههههه ) وراحوا ياخذون عمرة . وفعلا خذوا عمرة ومروا الطائف كم يوم وبعدها مسكوا خط الرياض في الليل , الشاهد انهم وصلوا نقطة تفتيش الساعة 2 الفجر , مافيه ولاسيارة غيرهم والحريم نايمات بالسيارة , شوي الا الشرطي جهة السواق : الرخصة والاستمارة .
زميلنا عطاه اللي يبي شوي الا والشرطي الثاني يلتفت على اخو زميلنا راكب قدام ( عمره 15 سنة وسيم ) ويطلب منه اثباته , الولد مامعه اثبات توه 15 سنة , قال ماعندي . الشرطي استمات الا بينزله للحجز . خوينا يتطلبه وام الولد تتطلبه عيا الشرطي الا ينزل !!!!!!!!!!!!!!!!!!!!!!
خوينا يحلف بالله ساعتها إن يده على سلاحه تحت المرتبة وانه لو حاول ينزله بالقوة بيثور في الشرطي قبل لاينزل اخوه بالقوة . خوينا عارف خرابيطهم زين وقال للشرطي شف : نزول ماهوب نازل من السيارة الا على جثتي بعدين لاتكلمني جب الظابط المناوب اتفاهم معه والا مشينا للديرة اللي بعد نقطة التفتيش نروح لمرجعك ونتفاهم معه . الشرطي انتفض شوي وقال بسامحه هالمرة عشانك.
ماوفروا الولد بيوفرون البنات اذا ساقن , الله يرحم الحال