 |
|
|
||||||
| الترفيه والتسلية هذ القسم مخصص لكل ما يختص بالجانب الترفيهي والمرح والتسلية حتى يكون متنفساً لكل الأعضاء خارج أطر العمل |
|
|
أدوات الموضوع | انواع عرض الموضوع |
06-27-2007, 09:13 PM
|
#1 | ||||||||
  
|
أسئلة ما إلها داعي
فيه أسئلة بديهية مالهاش اي لزمة في الدنيا
بنتعرّض ليها كل يوم من كل الناس خلـونـــا نشــوف أمثلة *********** إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟ (( أظن ده مش وضع الرقص !!! واضح ان انا هنام )) *********** انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟ (( لا لسه )) *********** والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه (( !!! لاء دانا لسه راجع )) *********** أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟ (( لا.. العربية واحشاني )) *********** مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه )) *********** مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء )) *********** ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟ (( لاء.. هفرطها و أسلقها )) *********** ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟ (( لاء.. طالبها اخنق على نفسي )) *********** أو مثلا في العيد المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير (( أكيد يعني مش هيقولهم البقاء لله )) *********** ,,,المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين (( سبتيله ايه يقوله ؟ )) ذكرونا بأسئلة أخرى.............. |
||||||||
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
العرض الشجري
|
|
الساعة الآن 02:22 PM.
