( Dsl ) ..... يااااااا محسنين ...

[ata]

بسم الله الرحمن الرحيم ..


السادة أعضاء ومشرفي وزوار حاسبكو ....

السلام عليكم ورحمة الله وبركاته ..

بصراحة من زمااااااان وأنا أتمنى أدخل لشبكة الانترنت ... باتصال DSL ... بس الظاهر ما في أمل ...


اسمعوا قصتي مع DSL ...

العام الماضي (( أيام العزوبية )) قدمت أنا والشباب اللي معي في الشقة ( فازعين معي ... ) على خط تليفون .. وأكيد

معاه DSL مجانا ....

المهم من زود العجلة ... شرينا الفاكس مودم ... ( سبيد تتش بـ 330 ريال )

وكلمنا فني الاتصالات السعودية ( STC ) >>> اسمهم حلو ... وقال : DSL شغال ..

المهم حاولنا نضبط إعدادات الجهاز ... ما طلعت الاشاره ...

كلمنا الاتصالات .. قالوا : بكره نرسل لكم فني .... (( وسحبواااااااااااااااااااا علينا .... )) ,, كلمناهم ,, وغثيناهم ,, بالاتصالات .. >>> قاطين في 330 ريال ومقهورين ...

المهم قال موظف الاتصالات : أنا برفع مذكرة تذمر >>> شوفوا المصطلح ... وراح نكلمكم ..

كلمونا بعد فترة ... وقالوا للأسف المقسم اللي عندكم ما ينفع يشتغل عليه DSL ...

طيب والتلفون اللي مقدمين عليه .... والجهاز اللي شارينه ... يعني أكيد ما فيه ... ؟؟؟؟!!!

المهم احتسبناها عند الله .... ونسينا الموضوع ...


هذا العام انتقلت لمسكن آخر .... وعلى طول دقيت على 907 ... وطلبت خط هاتف مع DSL مجانا ...


وفعلا .. ما طولوا الشباب وركبوا الخط ... وسألت ( الفلبيني ) DSL شغال ...

قالي :: (( أيواااااااه ... شقل )) .

المهم بعد تقريبا شهرين اشتريت DSL ( سبيد تتش بـ 270 ريال ) وجاي من سوق الكمبيوتر

فرحان بعمري ... أخيرا بركب DSL ... وأترك خط الهاتف العادي وأرتااااااااااااااااااح ...

المهم ... أستغربت ... يوم ما شفت الإشارة ...

دقيت على الاتصالات ... كيف ممكن أخدمك ... : والله انت ما عندك الخدمة .... >>>>

أفااااااااااااااااااااااا لازم تسوي طلب ... طيب سووا لي طلب ..

أبشر ... من عيوني طال عمرك كم عندنا واحد يبي DSL ... >>> قصدك متمرمط ما جاه DSL


سويت طلب ... وتهاوشنا عند اسم الشارع ... هم يقولوا لازم .... وأنا أقول ما أعرفه ...

المهم ... قالوا : خلاص الخدمة الممكنة عنك 256 فقط ... يااااااااااالله ,,, وش ها الحالة ...

طيب OK خلاص بس عطونا DSL ..

ممتاز ... متى أنتظر الفني ... ؟؟؟!! بكرة ... >>>> تبطي عظم ..


قالي الموظف .. >>> كان متفائل مرررررررررره ... لاااا اسبوع أو اسبوعين بالكثير ...

وراحت الأيام وجت الأيام ,,, وأنا أنتظر ..... واتصل عليهم ويقولون ... كيف ممكن

أخدمك ... الطلب ما زال موجود ,,

انتظر ..

ولي الآن ما يقارب أربعة أشهر وأنا أنتظر ....

اليوم ... مسكت معي غلط ... دقيت عليهم ...

وفااااااااااااااااااجأني الموظف بالخبر .... الصاعقة .....


عزيزي .... المقسم عندك لاااااااااااااااااااااااااااايسمح أبدا وما في أي إمكانية تركيب DSL ...


ياااااااااااا لطيف طبعا أنصدمت ..... من هول الخبر ...

عارفين ليش ... ((( لأنهم , كذبوا علي من البداية ... )))

فلما ناقشته ...

قالي ... >>> كيف ممكن أخدمك ... والله ما أقدر أقولك شي بس ترى ما في إمكانية .....

لكن في حل ... اتصل على هذا الرقم ... 8001280128 ..

ويركبون لك WiMax ... وهذا بديل للي ما عندهم DSL .... وااااااااااااااااااو ... ... فرحت

كثير ... رغم اني كنت غاسل ايدي .. من الواي ماكس ..

قلت اتصل ...

اتصلت على الرقم ...

طبعا ... >>> ما عندهم كيف ممكن اخدمك ..

الموظف استحى يصعقني بالرفض من البداية .. فقام يمهد للموضوع ..

طبعا ترانا مغطين المدن الرئيسية فقط ... ولعلمك احنا مغطين 30 منطقة في الرياض فقط ...

طيب المهم ..... حينا ياناس فيه واااااااااااااي ماكس وإلا مافيه ؟؟ !! ...















لا .. يا خوي للأسف مافيه ...


هذي السالفة يا جماعة الخير ... وسلامتكم ............

(( القرار اللي اتخذته الآن عشان افش غلللللي في

الاتصالات .. راح اشتري كونيكت اللي عند موبايلي ... [COLOR="DarkOrange"]عاااااااشت موبايلي[/COLOR] )) .

.

[هنادي]

الله يكون بعونك اخوي عبدالله

حالنا كذا مع مزودي الخدمات بشكل عام...

ومن جرف لدحديرة ... وياقلب لاتحزن

[غزال شارد]

الله يعين انا كمان الاشارة دايم رايحه وجايه
ههههههههههههههههههههههههههههههه

[تماراTMARA]

ظهور شركات إتصالات منافسة
سيكون الحل للكثير من المشاكل
كل شركة ستقدم عروض تنافس الشركات الأخرى
الآن أخر خبر سمع عن موبايلي
بأنها ستطرح فكرة الاتصال بالألياف الضوئية
سرعاتها عالية تصل إلى أكثر من 20 جيجا بايت

لكن السؤال المهم هو ..
متى .. وكيف .. وأين
التفيذ؟

[دفء المشاعر]

الله يكون في عونك

وانا عانيت اكثر واكثر

[دنيا الأمل]

يالله

الله يعينك اخ عبدالله

[روح الياسمين]

يووووه يااستاذ عبدالله
يعني نغسل ايديننا منهم في كل الاشكال

[تبوووله]

الله يكوووون بعونك أخوي شي يقهر صدق