[دنيا الأمل]

.. راح اكون أول من يعترف ..
.. لما كنت بثاني ثانوي .. كانت مديره المدرسة انسانه متسلطه مرررررررررررررررره .. ( الله يذكره بالخير )
.. أول ما تشوفن أو اي وحده من الشلة تشغل الونان وانواع الصراخ بسبب وبدون سبب ..
..في يوم من الأيام كانت الاذاعه الصباحية على فصلي وكان موعدها ثاني يوم .. رحت انا والشله المشاركة بالأذاعة لغرفة الأذاعة علشان ننتدرب عليها .. دخلنا ما كان فيه احد .. واخذنا راحتنا انواع الصرقعه والهبال ( أيام ياليت ترجع )
ومن هبالنا قعدنا نتخيل لو تدخل علينا المديره وش راح تسوي فينا وهات ياسب وتريقه وتقليد لحركاتها وضحك وصرقعه وفي وسط الجو هذا تخيلو وش صار ؟؟؟؟؟؟؟؟؟؟؟؟؟؟؟؟؟؟؟؟
دخلت علينا المديره وابليس راكب فوق راسها والوجه احمر من العصبية وكانت بحاله لو كانت لابسه شبشب كان راوتنا الشغل ( الحمد لله كان عليها بوت ) .. وتشغل ونانها ووصل صوتها لأخر الحاره .. وتقودنا للإدارة كاننا .....
بالبداية سوينا انفسنا ابرياء وما سوينا شيء لكن حبل الكذب قصير ..... الميكرفون كان شغال والسب والهبال انذاع بالمدرسه كلها وحنا ما ندري ( فظيحة معتبرة صح ؟)
اخذنا علقه محترمة من الإدارة .. وانفصلنا عن المدرسة يومين ..
الموقف هذا ما احد يعرف عنه الا انتم حتى الأهل ما يعرفون .. الحمد لله كنت مريضه ذيك الفتره واستغليت قدراتي بالتمثيل وزدت المرض حبتين وغبت ايام الفصل دون ما احد يعرف
الحمد لله ربي ستر وما احد يعرف لحد اللحين .. وظليت دنيا الأمل المؤدبة والبريئة
.. انا اعترفت .. الدور عليكم ..