|
طلب: ملزمة حاسب
اخواتي واخواني...انا مدرسة حاسب جديدة وتوني متخرجة... اعاني كثير في عمل اوراق العمل ومن دفاتر الطالبات اللي اقدر اقول انها سيئة جدا رغم حرصي على تشجيعهم على جعلها بشكل مقبول ... حملت الكثير من التحاضير واوراق العمل وعروض... لكن للاسف اني ماقدرت استخدمها لانها مو مرتبة ويبيلها تعديل وانا حاولت كثير اني اعدلها لكن ماالحق استخدمها لاني ادرس 8 فصول واعداد البنات كثير .. وانا ناوية ان شاء الله اعملي ملزمة لكن هالموضوع صعب اني اسويه هالسنة لان المناهج جديدة علي وماعرف لحد الان وش بتحتاج هالمناهج.. بتقولون اني كسولة يعلم الله اني قاعدة احاول قد مااقدر واللي معي في المدرسة يقولولي ارحمي نفسك...مع ذلك ماني راضية عن نفسي لان ودي اكون مرتبة اوراق العمل عندي بحيث كل حصة اطلع بس الاوراق وااوزعها عالطالبات وبنفس الوقت احس ان كتب الطالبات مزحومة بالمعلومات وودي اني اعملهم مرجع مختصر كملزمة لكني للاسف ماالحق...
بعد هالمقدمة الطويلة... اتمنى انكم تزودوني بلمزمة للحاسب للترمين .. انا سمعت انها موجودة بالشرقية وانا من سابع المستحيلات اني اروح هالفترة للشرقية.... اتمنى انكم تساعدوني وان كان صعب جدا انكم تزودوني فيها عالاقل لاتبخلون علي بافكاركم واقتراحاتكم...انتو عارفين كيف الوحدة تكون محيوسة باول سنة تدريس.... والله اقولكم وانا تعبانة جدا لاني مو راضية عن نفسي ..لاني والحمدلله انسانة حريصة وماارضى بشي دون الرائع وهالشي مفتقدته الان بسبب تاخر المناهج وكثرة الفصول والطالبات...... والله ثم والله اني ماطلبت هالطلب الا بعد ماحاولت كذا مرةةة اني اعملها بنفسي لكن للاسف ماضبط الموضوع معي لاني مااكون ضبطت درس معين الا يكون الدرس انشرح وخلص... اشكر كل وحدة او واحد بيدخل سواء رد علي او مارد بس مجرد مروركم يعنيلي الشي الكثير... |
مشاركة: طلب: ملزمة حاسب
بالتوفيق عزيزتي ..مفقودة
ان شاءالله الاخوة والاخوات ماراح يقصرون ويفيدونك |
مشاركة: طلب: ملزمة حاسب
شكرا اختي لاهتمامك
شاااكرة ايضا لمرورك |
مشاركة: طلب: ملزمة حاسب
اختي مفقودة فكرة الملزمة او ملخص للمنهج لم يفكر به احد من قبل يعني لم يطرح بالمنتدجى الا ملخص لمجموعة من الدروس فانا اتأسف على تقصيري معاكي ولو كان الفترة هذه عندي وقت كان ساعدتك ............
تحياتي وتقديري لك |
مشاركة: طلب: ملزمة حاسب
الاستاذ سلطان...جهودك كبيرة في الموقع...وادري مراح تقصر لوكان عندك
تقدر تقول ان الملزمة حلم او مشروع مستقبلي لي باذن الله...المشكلة اللي تعوقني اني ماالقى وقت لاني متعينة جديد ومتاخرة بالمنهج ويالله احضر لدرس بكرة... مو كسل لاوالله بس احس اني محتاجة لتدريب اكثر في عمل الاوراق وافكار الدروس ومابعد تمكنت من المنهج بالشكل اللي ياهلني اني اعمل ملزمة بنفسي شاااااااااااكرة مرررورك |
رد: طلب: ملزمة حاسب
وانا احتاج ملزمة لثاني متوسط .. اللي عنده ياليت يفيدنا...وينزل رابط
باوراق العمل للمنهج كااامل |
| الساعة الآن 03:54 PM. |
Powered by vBulletin® Version 3.8.9
Copyright ©2000 - 2025, vBulletin Solutions, Inc. Trans by
جميع الحقوق محفوظة لدى موقع ومنتديات حاسبكو 1431هـ/1432هـ