منتديات حاسبكو المتخصصة بمادة الحاسب الآلي

منتديات حاسبكو المتخصصة بمادة الحاسب الآلي (http://www.7asabco.org/index.php)
-   الترفيه والتسلية (http://www.7asabco.org/forumdisplay.php?f=51)
-   -   شات لاعضاء المنتدى (http://www.7asabco.org/showthread.php?t=1767)

روح الياسمين 07-17-2007 01:35 AM

شات لاعضاء المنتدى
 
السلام عليكم ورحمة الله وبركاته

لوتلاحظون اسم الموضوع شات لاعضاء المنتدى ليش كتبته لاني الاحظ ان كل موضوع يوضع للفائدة يزيد عن حده بالنقاشات وياخذ الموضوع اكبر من حجمه
خاصه ان بعض الاعضاء يحب قرق كثير والبعض يحب يناقر كثير (لم اقصد احد بذاته)

هنا راح يكون كله كلام في كلام نكت مناقر عظه بسيطة

واذا اعجبتكم الفكره نطلب التثبيت............ايش رايكم ؟؟
وانا اول مين يبدا بالسلام الملكي السعودي..........بدون زعل ما اعرف الا السعودي ولاعندي غيره



سارعي للمجد والعليا ..............مجدي لخالق السماء
وارفع الخفاق الخضر.............. يصدر النور المسطر
رددي الله واكبر................... ياموطني
موطني قد عشت فخر المسلمين
عاش المليك للعلم والوطن

mooof 07-17-2007 01:51 AM

مشاركة: شات لاعضاء المنتدى
 
بشارك بنكته جمالها في استخدام مفردات قديمة تكاد تكون فقدت من قاموسنا اليومي ولكنها محفورة في قلوب الجيل الذي سبقنا , وهي عبارة عن مفردات قصيمية خرجت من لسان فتاة قصيمية تصف المطر الغزير على قريتها لقريبتها التي تسكن بالعاصمة وتقول فيها :
بريدة تلثق وغاديتن لقسة وكلشن رابص عندنا وانا متعنقطة بفروتي من الذراقة ومارغتن الفكس والهوا يشخفن مع كل محل وصايرتن مثل الحوقلة اصوي صوي وشاقصتن بمكاني ماغير اقحن زنجبيل .
خخخخخخخخخخخخخخخخخخخخخخخخخ

روح الياسمين 07-17-2007 01:55 AM

مشاركة: شات لاعضاء المنتدى
 
هههههههههههههههههههههههههههههههههههههههههه
موف وشي الحوقله؟؟؟؟؟؟؟؟


لكن بيني وبينك لاتسب اهل عاصمتنا


واهل اشيقر وش يقولون اذا جاهم المطر؟؟؟؟؟؟؟





اذا عاجبتك الفكره نبي نطلب التثبيت...

الفكره ملطووووووووووووووووووووووووووشة

mooof 07-17-2007 02:05 AM

مشاركة: شات لاعضاء المنتدى
 
روووووووووح الحوقلة : الصغير الذي لايقوى على رعاية نفسه ويعتمد على الآخرين مثل فرخ الطير نسميه حوقلة لأنه غير قادر على رعاية نفسه وفاق اثمه على طووول .
http://zoom.maktoob.com/showImage.ph...171222&size=95

تراني من مواليد الرياض وربوتهم وهي على عيني وراسي من فوووق .
حنا عيارتنا ( قبابين صحصح , ههههه لاتعلمين احد ) .

روح الياسمين 07-17-2007 02:11 AM

مشاركة: شات لاعضاء المنتدى
 
اهاااااااااااااااااا ولكن اسمه افم مش اثم
لانافم ماخوذه من الفم اما اثم ماخوذه من الاثم



قبابين.....غريبه اول مره اسمع فيها

والله يا انت خطير انت موسوعه

mooof 07-17-2007 02:41 AM

مشاركة: شات لاعضاء المنتدى
 
غريبة متعرفين إن ( فمي = اثمي ) بالعامية , كلمة دارجة بنجد ( ههههههههههه شكلك بنت نعمه )

روح الياسمين 07-17-2007 02:46 AM

مشاركة: شات لاعضاء المنتدى
 
ههههههههههههههههههههههههههههههههههه

بالقصيم اللي يقول اثمي بريده وعنيزه بس وبعضا من المدن لكن بشكل بسيط

وانا مو من هذي ولا ذي

mooof 07-17-2007 02:55 AM

مشاركة: شات لاعضاء المنتدى
 
على فكرة اخوالي كانوووووووووا امراء بريدة حكموها 300 سنة من 985 هـ وكانت لهم مواقف مشرفة مع الدولة السعودية الأولى .

روح الياسمين 07-17-2007 02:58 AM

مشاركة: شات لاعضاء المنتدى
 
والنعم بااهل بريد ه والقصيم كلهم

علشان كذا انت تقول ماتعرفين اثم؟؟؟؟

mooof 07-17-2007 03:12 AM

مشاركة: شات لاعضاء المنتدى
 
ماعليك زوووووووووووود يارووووووووح


الساعة الآن 11:19 AM.

Powered by vBulletin® Version 3.8.9
Copyright ©2000 - 2024, Jelsoft Enterprises Ltd. Trans by
جميع الحقوق محفوظة لدى موقع ومنتديات حاسبكو 1431هـ/1432هـ

a.d - i.s.s.w