منتديات حاسبكو المتخصصة بمادة الحاسب الآلي - أعجبني: زيادة رواتب موظفي الدولة .. !!

- المنتدى الاسلامي العام (http://www.7asabco.org/forumdisplay.php?f=48)

- - أعجبني: زيادة رواتب موظفي الدولة .. !! (http://www.7asabco.org/showthread.php?t=3440)

أعجبني: زيادة رواتب موظفي الدولة .. !!

بسم الله الرحمن الرحيم

عبدالرحمن : ياشباااااااااااااااب ، مبروك الزيادة ، القرار بيعلنونه الاسبوع الجاي

خالد : مبروك ياشباب الله يوفق الجميع وان شاء الله تجي الزيادة قريب

محمد : طيب وبعدين ؟ جت الزيادة خير يا طير!!! وش يعني جت الزيادة؟؟

وش استفدنا من هذي الزيادة...

الجميع :
ليــــــــــــــــــــــــــــــــــــــــــــش؟؟

محمد : اسمعوني زين ، الزيادة السابقة ما استفدنا فيها حنا الموظفين الصغار

وبالطرف الثاني استفادوا الكبار بوظائفهم وحنا أكلنا علقة !! ، وش يعني

بيزيد راتبي ألفين ريال؟ ويزيد بعدها الرز والمواد الغذائية اللازمة ..!

لدرجة إني ما راح أقدر أوفر مصروف بيتي لو وصل راتبي خمسة آلاف

حتى الخضار المزروعة عندنا زاد سعرها ....!!!!!

عبدالله : أي والله انك صادق يا محمد انا كنت اشتري خبز التوست بريالين ونصف

الحين صار بثلاثة ، ما يهم النصف للصنف الواحد قدر مايهم اذا اجتمعت عليك انصاص

وصار حسابك (80) ريال بدال (50) والبلا من الهللات

خالد : صدقتوا والله يا جماعة الخير وكل شي بيرتفع

ومواد البناء ارتفعت الاسعار فيها ، انا قبل سنتين شايف بيت يسوى (500) ألف

والحين وبعد استعماله يسومونه بـ (850) ألف ، هذا كلام ما يعقله أحد

محمد : يعني بعد الزيادة الجديدة هذي بيصير الخبز بثلاثة ريال!!

عبدالله : اقول قم انت وياه خلونا نوقع ونتوكل على الله ترى الدوام انتهى ....

=-=-=-=-=-=
=-=-=-=-=
=-=-=-=
=-=-=
=-=
=
-

هذا ما حصل قبل نهاية الدوام لهذا اليوم بين الزملاء .....

لاحول ولا قوة إلا بالله ..

ألم يعلموا بأن من يرزق في السماء وهو حي لا يموت؟

ألم يعلموا بأن ( رزقهم – آجالهم – وخلقهم – وبعثهم ) كل ذلك في كتاب؟

ألم يعلموا بأن الله هو الذي يرزق الطير في السماء تغدوا خماصا وتعود بطانا؟

بل إنهم لم يعلموا بقول الزاهد العابد حينما جاءه أحد الناس يشتكي ارتفاع

سعر الشعير فقال له ( والله لا أبالي إن كانت حبة الشعير بمئة ،، عليّ أن أعبده

كما أمرني وعليه أن يرزقني كما وعدني ) - قمة التوكل على الله -

هم وأنا وكثير وكثير والكثير من الناس نفتقد التوكّل على الله

لتعلموا أن من توكل على الله كفاهـ

بل يجب أن يعلموا وأن تعلموا بأن التوكل يجب في كل الأمور

فأين موقع التوكّل منك / منكِ ؟؟

وتقبلوا فائق تحياتي وتقديري ،،،،،،

م ن ق و ل