النشاط في الحصة السابعة و معلم الحاسب

[Lover Beauty]

السلام عليكم ورحمة الله وبركاته

احترت وين اكتب الموضوع ، واتوقع هذا انسب مكان له ..

المشكله عندي حصص النشاط

النشاط حصتين في الاسبوع لأول ثانوي
السنه الماضيه كانت الحصتين يوم الاحد ( الثالثه - الرابعة )
كانت مناسبه والحمدلله استفادوا الطلاب منها ، وتعبي راح على الفاضي
لكن اهم شيء الطلاب استفادوا والحمدلله

هذي السنه وهي المشكله
الحصتين : السابعة يوم الثلاثاء والسابعة يوم الاربعاء



يوم الثلاثاء ،، عندي حاسب 5 و 6 ،، مافرقت لو آخذ نشاط السابعه
لكن يوم الاربعاء الحاسب الحصه 1 و 2 .. وبعدها الفروض سفررر للديرة ( 9 ساعات بالسيارة ، ماعندنا مطار :'( ..)
ومطلوب مني انتظر الى السابعه علشان النشاط

وش الحل .. ؟

لا انا قادر اقدم شيء
ولا الطلاب بيتعلموا شيء بهذا الوقت

والمشكله الاكبر اني اغلب الايام انتظر الى السابعه ويمشونهم بعد الصلاة ( مافي سابعة )

[طالب المزيد]

خليك صريح مع المدير وكلمه بخصوص هذا الموضوع (أي موضوع يوم الاربعاء وظرف السفر)

وهناك حل مؤقت بخصوص الحصة السابعة يوم الأربعاء
كلم الإدارة من بدري إذا ما كان في حصة سابعة خبروني عشان أمشي ولا أجلس للسابعة

وبخصوص كيف إدارة الحصة بشي يستفيدوا منه الطلاب

حمل مقاطع من اليوتيوب
شي تقني
شي علمي
شي ثقافي
شي فكاهي

يعني نوع العروض في الحصة نفسها
وإن شاء الله راح ينبسطوا معاك في الحصة ولو كنت أنا طالب عندك تلقاني أول واحد في الصف

والهدف من حصة النشاط هو إستغلال الوقت في شي لامنهجي ومفيد ويخرج الطالب من روتين الحصة

ولا تشيل هم يا صاحبي
"قوي قلبك .. و ارسم الضحكة علي وجهك"

[Lover Beauty]

والله حتى لو فيه سابعة .. ممكن اذا طولت 20 دقيقه فقط
ومرات تكون اقل من كذا

السنه الماضيه وقت الحصه كان مناسب ، والحمدلله اعطيتهم دورة في الفوتوشوب
وانبسطوا كثيييييير منها ..

وزي ماقلت ، بحاول اجيب اشياء مسليه ومفيده بعيدهـ عن الشرح والتطبيق

وبالنسبة للمدير ، بصارحه بالموضوع ان شاء الله ..
مع اني كلمتهم من فتره ، قالولي حصه رسميه ما نقدر نلغيها
لكن بحاول مره ثانية

الله يجزاك خير ،، استفدت من ردك ..

بالتوفيق استاذي ..

[طالب المزيد]

المشاركة الأصلية كتبت بواسطة lover beauty

مع اني كلمتهم من فتره ، قالولي حصه رسميه ما نقدر نلغيها
لكن بحاول مره ثانية

تعرف يا أخي الكريم والله إني ما احب المشاكل

وأنا أكثر واحد يحب النظام بس أهم شي يطبق علي الجميع

بس من جد ألبس شخصية المشاكس إذا قابلت واحد ألاقيه

يتكلم بمبادىء و نظم و هو أول واحد يخالف النظام لا وكمان يجي يحاسبك

تعرف لو أنا مكان أيش أسوي ؟؟!!

أوكي يا أبو فلان حصة رسمية علي عيني و علي رأسي وأنا أحب النظام

بس لا تصرفوا الطلاب الحصة السادسة يوم الاربعاء لن النظام يقول حصة رسمية

اتفقنا

ساعتها المدير راح يخاف من المسائلة من صرفت الطلاب ويخاف أنك تشتكيه
ووقتها راح يسمع لك بكل احترام و تفاهم أخوي و جميل (عالم عجيب والله)

لان اصلا هو ما وضع حصص النشاط في آخر يومين في الأسبوع إلا عشان
الزحلطه وصرفت الطلاب

يا الله وين الشخص إللي يقول إنها حصة رسمية وكلام كبير ؟؟!!

وأزيدك من الشعر بيت

أعتقد والله أعلم إن في تعميم يشترط أن تكون حصص النشاط في يوم محدد و تكون
متتالية ولكن لست متأكد من الموضوع

شفت كيف إن المدراء جميعهم تكلمون بما لا يفقهون إلا من رحم الله طبعا

وعلي قول القائل

"أفهم النظام صح .. وساعتها تعال حسابني" <<------ بصراحة مثل وليد هذه اللحظة

[Lover Beauty]

ههههههه صادق والله

واللي شجعني اكتب الموضوع ، كنت متفائل بوجود تعميم يحدد وقت حصة النشاط
لان مدرستي السابقة نظامية بزيادة ، وكانت حصتين متتاليه 3 و 4 ،، يوم الاحد
ومدرسه غيرها مديرها نظامي بزياده < يوم الاثنين 3 و 4

اما هذي المدرسه 7 و 7 ثلاثاء واربعاء

انا اللي استفزني .. يوم الثلاثاء كنت موجود وكان عندي حصتين خامسة و سادسه ، وبعد الصلاة مشت المدرسه كلها .. ( مافي سابعة )
اما يوم الاربعاء خلصت الحصة الثانية وجيت امشي ،، المدير قالي بدرررررري ؟! ،، عندك سابعة !!

لحظتها كان فيه طالب وانحرجت ارد عليه قدام الطالب ..
فقط قلت له ان شاء الله ارجعلها .. ومشيت للبيت ولا رجعت ( اكثر من 40 كيلو عن البيت )

فأتوقع بيكتب مساءلة ..
وراح اقول كل اللي بخاطري ..
وانهيها بالمثل المعروف :
أفهم النظام صح ،، وساعتها تعال حاسبني .. :d

[فلونة]

موضوع رائع يعطيك العافية

[العذب]

طيب هالحين يا أخوان نجي للمهم

نبغى التعميم المتعلق بحصص النشاط بحيث تكون متتالية

تكفون يا أخوان عاجلاً عندي مدير الله يسامحه أبلشني وخلق لنفسه عدائيه مع جميع معلمي المدرسى بلا استثناء إلى درجة السلام عنده بنظام
فهو الآن مكلفني بحصتين نشاط بأول ثانوي متفرقات فأنا أبغى احاجه بالنظام إنها تكون متتالية ماودي اجيه خالي اليدين

تخيلوا حصص الحاسب فرقها بعد مرحلة ثانوي
لكن حصلت التعميم الوزاري القاضي بعدم تفرقها وبكرة إن شاء الله اخمه بخشته