[فهد العباري]

سلام عليكم ورحمة الله وبركاته


كل عام وانتم بألف خير




ابيات قصيره كتبتها قبل كم يوم


حبيت اشاركم فيها اول شي احياء لقسم الشعر لأني احبه

والشي الثاني للتواصل معكم

مدخل \


تعالي والغلا مينا رسى به مركب الأحلام


. . . . انا دونك كما مركب يدوًر فالبحر مينآ

يالقمر

يالقمر عجل خسوفك جاك هالليله قمــر

. . . . . . بالوصايف تسلبك نورك وتطفي لك ضياك



كنها خلقت مثال ٍ للتغطرس والسحر

. . . . . . وكن كل الكون أشر صوبها محلا بهاك



طاغية حسن وملامح فاتنه بين البشر

. . . . . . من لمحها ماتركها لو تقوده للهلاك



لو تدوس الأرض ينبت في خطاويها زهر

. . . . . . و من نعومتها يشاورها النحل نجمع شذاك ..؟



ياقصيده يافريده يـ أجمل أبيات الشعر

. . . . . . يالعذوبه في دروبه من هنا وإلآ هناك



ماكذب قلبي يوم إنه قال عنك كالمطر

. . . . . . ترتوي عروقه من إحساسك وينبت به غلاك

مخرج





تعالي ذبلَت أوراقي تعالي جفـًت الأقلآم . . . .


تعالي واسكني قلبي قصايدنا تدفينا

مع التحيه



فهد العباري


جميع مااكتبه من بوح قلمي



لا اسمح بالنقل دون ذكر اسمي