[دنيا الأمل]

تحياتي للبنوتات

قبل اكتب الموضوع لحظه عندي توبيخ بسيط


الله يخلف على المنتدى بصبايا اسنع منكم من دخل رمضان ولا وصفه


المنتديات الثانية يتفنون .. وهنا ما عندك احد ( وانا أولكم )



خلاص خلص التوبيخ ( لاني معكم والا كان صار شيء ثاني )


المهم




اليوم جايبة لكم طريقة حلا قهوة انما ايييييييييييه





المقادير:

2 كاس حليب بودر محموس
1 علبة قشطة
ظرف كريم كراميل
نوص كاس سكر
ربع كاس زيت
مقدار من التوفي الثقيل
ورق بليسيه حجم صغير
صينية كب كيك حجم صغير<<مو الصينية اللي صغيرة الحفرات حقتها هي اللي حجم صغير والصينية عاد بكيفك



الطريقة:


1-اخلطي المقادير الموضحة اعلاه بذمة وضمير الين يطلع معك عجينة سهلة التشكيل
2-وزعي اوراق البليسيه الصغيرة في صينية الكب كيك الصغااااار وخذي من العجينة كور وحطي في كل حفرة كورة واضغطيها على الجوانب وبلي يدك بموية كل شوي اثناء التضغيط علشان العجينة ماتلصق بيدك
3-جيبي بسكوت مجروش وحطي في كل حبة تقريبا ملعقة صغيرة او اكثر شوي المهم انها ماتملى الحفرة كلها
4-صبي التوفي على وجه كل حبة وزينيها بالفستق المجروش او المكسرات وخليه في الثلاجة الين يجي وقت التقديم



*·~-.¸¸,.-~*الـــــتـــــوفــــــــي *·~-.¸¸,.-~*




المقادير:

5 فنجان سكر
علبة قشطة
شوي حليب بوني او وادي فاطمة او اي نوع بس الموهم حليب سايل حق الشاهي


الطريقة:

ذوبي السكر على النار لحد مايصير لونه بني فاتح وحطي عليه ملعقة قشطة وحركيه بسرعة بملعقة خشبية بعدين وانتي تحركين حطي نص علبة القشطة وشوي حليب وحركي شوي وطفيه
راح يكون توفي ان شاء الله مضبووووووووط



*·~-.¸¸,.-~*نصائح من خلال انها تجربتي هالحلا*·~-.¸¸,.-~*


-بدال البسكوت المجروش استخدمي بسكوت ويفر مجروش او بسكوت اصابع(اللي يكون داخله كاكاو معليش ترا ماني متذكره اي نوع منه بس فيه منه انواع كثير)اتوقع بيكون احلى وركزي على كلمة مجروش تكفين لاتطحنينه وتنعمينه

-لاتسوين التوفي الا بعد ماتوزعين البسكوت في كل حبة علشان اول ماتخلصين تصبين على وجه كل حبة قبل لايبرد التوفي ويثقل






اتمنى عاد انكم تجربونه ويعجبكم


وبالهنا والشفا





..... مـــنـــقــــــــــــوووولـ .....


يالله نبغى وصفات قربت الاجازه