عرض مشاركة واحدة
قديم 06-10-2013, 04:43 AM   #10
موفق الحربي
الإدارة
 
الصورة الرمزية موفق الحربي
افتراضي رد: تعرف على برنامج [ خادم الحرمين الشريفين للابتعاث الخارجي لأعداد المدربين التقنيين

اقتباس:
لكل الخريجين مٓـ❧•ـن الثانويه العامه انصحهم بالتقديم بالكليات التقنيه
بالرغم مٓـ❧•ـن هجوم الكثيرين عليها وانها بلامستقبل فانا اخلافهم الراي مٓـ❧•ـن جهتين
الاولى الدراسه فيها جدا ممتعه تتعرف فيها على تقنيات ماتخطر لك ببال ولسان حالك يقول هل مٓـ❧•ـن مزيد
وتهتم بالجانب الديني والجانب اللغوي
أحسنتي ... وقلتي اللي بخاطري كان ودي أقوله من زمان ...
مشكلة بعض افراد مجتمعنا يتبعون وكالة يقولون ... للأسف البعض ينظر لخريج الكلية التقنية انه عالة عـ مجتمعه
والبعض يسميها كلية جبر الخواطر .. كلية بر الوالدين الخ الخ >> لأنها تقبل اللي نسبهم طايحة ...

المشكلة تكمن في بعض متدربيها الفاشلين .. يتخرج احد المتدربين فيها .. بمعدل 1.5 وبعدها يجي يتفلسف في المنتديات وبين أقاربه ويشوه سمعة هـ الكلية ومنسوبيها ويردد مافي وظائف والخ الخ
ياخي .. اذا انت ماحبيت الكلية التقنية ليش دخلتها من الاساس ؟
واذا انت شخص بلاهدف بلا طموح انا ايش اسوي لك ؟؟ ابني نفسك واجتهد بعدين .. تعلل بـ حججك !
وربي بعض المتدربين ما دخل الكلية الا عشان المكافاه ...

أحلى مافي الكليات التقنية أنها تركز ع الجانب العملي بشكل كبير بدون ان تغفل عن الجانب النظري وهذا لاشك انه يرسخ المعلومة في ذهن المتدرب ... وبالعكس طلاب الكليات التقنية ومن خلال ما لاحظته يتفوقون بكثيييير على طلاب التعليم العالي في الجانب العملي .. فـ مثلا لو سالت احد طلاب التعليم العالي .. تعرف تجهز معمل .. تعرف تسوي صيانة لهاردسك .. تعرف تفرمت .. الخ ممكن تكون أجابته بكثير من الأحيان لا .. بعكس المتدرب اللي تعتبر هذه ألاشيا من الأساسيات عنده .. وهنا انا ما انقص من طرف لحساب طرف اخر .. كل شخص بتوفيق الله ثم اجتهاده .. بس اللي حاب أوصله ان التدريب التقني والكليات التقنية تركز بشكل كبير على الجانب العملي ولا تغفل عن الجانب النظري ... وحتى المناهج مافيها قصور بالعكس اغلبها دولية مثلاً بقسم الحاسب يدرس دبلوم سيسكو وتمنح شهادته مجاناً لمتدربي القسم غير كتب الانجليزي معتمده من جامعات كبرى مثل هارفارد وغيرها ,,, هذا غير المزايا المقدم للمتدرب من نظام تدريب ثلثي .. يعني ثلاث أترام بالسنة .. غير ان الجميع يستلم مكافأة 990.. للعلمي والأدبي بعكس الجامعات ,, غير انه .. فرص الابتعاث مهيأة له .. وللعلم قبل يبتعث يوقع على عقد الانضمام .. للكليات التقنية بعد رجوعه .. حسب الأماكن الشاغرة وحسب معدله ..
غير انه دائما في وظائف القطاع العسكري يكون طلب كبير على متدربي الكليات التقنية وبرتبة حلوه .. مثلاً الامن العام قبل فتره فتح التقديم واصحاب الكليات التقنية يعين على رتبة وكيل رقيب ... اكثر من جانب واكثر من فرصه .. فقط انت توكل ع الله واترك كلام البعض" اللي لا يودي ولايجيب "

اقتباس:
وجهة نظري الثانيه تكمن في المستقبل الباهر للمتخرجين اصحاب المعدلات المرتفعه
يعني تبي تدخلها ادخلها وانت مقتنع وشد حيلك ولايفوتك لاصغيره ولا كبيره وراح تكون مبدع وتلقا نتائج عظيمه..
صحيح .. تعرفي كم أول راتب يستلمه المدرب الحاصل على بكالوريوس .. 12500 شامل البدلات وهذا مبلغ أكثر من رائع وللعلم سلم رواتب المدربين التقنين هو الأفضل حسب وجهة نظري من حيث الزيادات .. والخ حتى ان الرواتب تصل إلى 21 الف لكبير المدربين هذا من الجانب المادي .. أما الجانب الوظيفي او العملي فـ كل شخص وتحمله بس اللي أشوفه انه أريح بكثير من دوش الجامعة و المدارس ...


اقتباس:
اكرر شكري لك استاذ موفق على هذا الموضوع المفيد وجعله الله في ميزان حسناتك
وانا كمان اشكرك .. على تواجدك واسالتك .. انرتي الموضوع واعذريني عـ الاطاله و اي استفسار تحت امرك ,,
  رد مع اقتباس