جزيتي خيراً اخيتي " نحن بحاجه للتنفيس الدائم عن انفسنا
هكذا حال هذه الدنيا . يوم لك ويوم عليك .
مشاعرنا مختلطه بين الفرح والحزن .. الامل واليأس .. الحب والكره ..
لانعلم الى اين يمضي بنا الغد ؟؟
ماشعورك عندما تصدمين في اقرب الناس لك صديقتك ؟؟؟
هل ستفقدين الثقه من الناس جميعا ؟؟
من كثر صدماتي بنـاسً قريبيـن
قمت أتحرى صدمتي مـن أظلالـي
كل مابديت أنسى وجيّـه البعيديـن
ذكرت لي مع ضيقة الوقت غالـي
كل ماتخيلت المحبـه مـن سنيـن
يأخذني الهاجـوس لأبعـد خيالـي
وكل ماشعرت أني سليت المحبيـن
بديـت أطـرد هقوتـي وأحتمالـي
مدري بكيت الحلم مع هاجس البين
والا شعـوري بالغـلا مايبـألـي
مدري عزاي أنك بعيدً عن العيـن
والا الندم يصفـق يمينـه شمالـي
مدري هو أحساسي بفقدي لغاليـن
وأقول بعد اللي رحـل وش بقالـي
دام أقرب أحبابي نسوني وساليـن
وأنا لو أنساهـم تناسيـت حالـي
لو عشت من صداه عذاب الامرين
ماوالله أرخص عزتي رأس مالـي
لو المواجع تقسم القلـب نصفيـن
ماضاق بي صدر الحليـم الشمالـي
بين الصبر والصمت والخاطر الزين
تجـي مسافـات المعانـي توالـي
ومن كثر صدماتي بنـاسٍ كثيريـن
صرت أتحرى صدمتي من أظلالـي